Светската ракометна федерација попладневно со соопштение информираше дека Ракометната федерација на Македонија е казнета парично со 10.000 швајцарски франци, за синоќешниот дуел меѓу Македонија и Холандија, поради инцидентите што се случија на трибините.
Дополнително, од ИХФ истакнаа дека во иднина ваквите инциденти ќе бидат санкционира и со забрана за присуство на навивачи во „Вараждин арената“.
За натпреварот со Гвинеја ќе биде затворен просторот зад клупите каде седат играчите, дополнително е наложено зголемено присуство на полиција и обезбедување во Вараждин, а гледачите кои ќе бидат во сала да бидат информирани за сите вакви промени.
Поради слаба организација на натпреварот и Хрватската ракометна федерација заработи парична казна.
