Второлигашот Кожуф од Гевгелија за пролетната полусезона ќе биде посилен за Сашо Дуков, искусниот фудбалер доаѓа од редовите на второлигашот Охрид, откако охридскиот клуб се одлучи да се ослободи од „странците“ односно од играчите од другите клубови и да игра со домашни играчи и играчи од сопствените погони.
30-годишниот Дуков е искусен фудбалер, кој за Охрид беше најдобар стрелец со шест погодоци, а минатата сезона беше најдобар стрелец на Каменица Саса и ја спаси од испаѓање, низ својата кариера има настапувано и за Силекс, Пелистер, Росоман, Вардар Неготино, Тиквеш, кичевски Напредок, а настапуваше и во Србија за тимот на Београд, што значи дека Дуков има и меѓународно искуство.
Кожуф сега е предводен од новиот тренер Славчо Георгиевски – Тупан и со ангажманот на Дуков добива големо засилување во своите редови за пролетниот дел, кој Кожуф го отвара против Каменица Саса во гости.
Кожуф денес ги започна подготовките за пролетниот дел, а презимува на 9. место на второлигашката табела со 22 бодови.
