Второлигашот Кожуф од Гевгелија ги започна подготовките за пролетниот дел од Втората лига, но под водство на новиот тренер Славчо Георгиевски – Тупан.
Новиот стратег денес го имаше првиот собир со фудбалери и на Градскиот стадион во Гевгелија означи старт на зимските подготовките за пролетната полусезона.
Во екипата ќе има неколку промени во однос на играчкиот кадар, а шанса ќе добијат и играчите од млаинската школа на Кожуф.
Екипата есенскиот дел го заврши на 9. место на табелата со 22 бодови, колку што има и Скопје кој е осми, а тимот пролетниот дел го отвара против Каменица Саса на гостински терен.
