Гамзардиа Уча е второто засилување за ракометниот прволигаш Младост од Богданци. Бековската позиција добива големо засилување.
34-годишниот ракометар во Богданци доаѓа од екипата на Куманово каде во есенскиот дел беше еден од најдобрите играчи на суперлигашот. Уча кој е висок 175 см, во тимот на Младост треба да остане најмалку пет месеци. Грузијскиот ракометар е добро познат на ракометната јавност бидејќи истиот е веќе четврта година во Македонија каде играше за суперлигашите Прилеп и Куманово.
„Потпишувањето на договорот со искусниот Грузиец ќе биде од големо значење за сениорскиот тим кој е составен од млади играчи во борбата за влез во Суперлигата. Се работи за брз и искусен играч од кој се очекува да биде предводник на тимот на Младост“, велат од клубот.
Претходно, тимот се засили со пивотот Борјан Цековски, кој дојде од суперлигашот Куманово.
Виолета Јанчева за Спортска Мрежа
