Кумановскиот прволигаш Башкими се наоѓа во резултатска криза, откако на последните три натпревари не успеа да забележи победа. Особено болни беа двата порази на домашен терен од Шкендија Арачиново и Силекс, кои дополнително ја влошија ситуацијата во таборот на кумановци.
Најголемиот проблем за тренерот Муарем Муарем останува реализацијата во нападот. Башкими има сериозни потешкотии во офанзивниот дел од играта, а загрижува и податокот дека на последните два домашни натпревари не успеа да постигне ниту еден погодок пред својата публика.
Следната можност за прекин на негативната серија ќе биде гостувањето кај Арсими. Сепак, ниту противникот не се наоѓа во посакуваната форма, со оглед на тоа што и гостите се во резултатска криза и немаат забележано победа на последните седум првенствени натпревари.
„Дуелот против Арсими е пресуден за нас. Дојде моментот да се вратиме на победите и да ја прекинеме оваа негативна серија. Ги повикувам нашите верни навивачи да ги исполнат трибините, да ни дадат ветар во грб и заедно да стигнеме до трите бода“, порача во својата изјава Енсар Саити.
Историјата и меѓусебната традиција одат во прилог на Арсими, кој има скоро од 6 победи во досегашните 12 пресметки, додека Башкими славел само 3 пати, додека 3 дуели завршиле без победник.
Борбата за бодови меѓу Башкими и Арсими ќе се одигра на кумановскиот стадион со почеток во 14:00 часот, додека правдата на теренот ќе ја дели главниот судија Јован Качевски.
