Ракометарите на Струга освоија значајни бодови на гостувањето кај Еурофарм Пелистер 2, откако славеа со минимални 25-24. Иако битолчани имаа предност од четири гола (23-19) на десетина минути до крајот, гостите пронајдоа начин да направат целосен пресврт.
Најголемите заслуги за триумфот ги понесе голманот Мартин Јовановски, кој со 14 одбрани, меѓу кои и два запрени пенали во клучните моменти, беше вистинскиот херој на Струга. Гостите ја презедоа предноста на три минути до крајот, кога Петров погоди за 24-23, а Георгиевски подоцна го постави конечниот резултат.
Кај победничкиот состав Јукиќ и Танкоски постигнаа по шест гола, додека кај домашните најефикасен беше Димевски со седум погодоци, пред Илиески со шест.
Со оваа победа Струга се израмни со Еурофарм Пелистер 2 на седмото место на табелата, со по седум освоени бодови.
