Ракомет

Вардар го доби вечното дерби, Пелистер немаше одговор за „црвено-црните“!

Сподели
ФОТО: Денис Дуковски
Сподели

Вардар ја продолжи победничката серија во домашниот шампионат и ја потврди лидерската позиција со триумф над најголемиот ривал Еурофарм Пелистер. Во деветтото коло од Суперлигата, пред исполнетите трибини во „Јане Сандански“, скопскиот тим славеше убедливо со 31-23, откако на паузата имаше предност од 15-12.

Големиот интерес за дербито се почувствува уште пред почетокот, а навивачите создадоа атмосфера достојна за најголемиот натпревар во македонскиот ракомет. На теренот, Вардар уште во воведните минути покажа дека е подготвен да ја преземе контролата. Домашните направија почетна разлика од три гола, пред битолчани постепено да се вратат во резултатски приклучок.

Голманот Милош Валах имаше одличен почеток со неколку важни интервенции, но подоцна неговото место го презеде Васил Гогов, кој особено во продолжението одигра значајна улога. На спротивната страна, Хеидарирад исто така имаше свои моменти, па голманите беа важен фактор во првиот дел.

Тренерот Иван Чупиќ направи и неколку тактички промени, меѓу кои и користењето на формацијата со дополнителен играч во нападот, додека Пелистер возвраќаше со игра седум на шест. Сепак, Вардар подобро се снајде во тактичкото надигрување и со погодокот на Фадхуил од седмерец во завршницата замина на одмор со три гола предност.

Клучниот период се случи веднаш по паузата. Вардар максимално ги казнуваше грешките на гостите, а одбраните на Гогов отворија простор за лесни погодоци на празна мрежа. Предноста брзо порасна на шест гола (22-16), а во 46. минута по реализацијата на Де Силва, домашниот состав веќе имаше убедливи 26-18.

Пелистер се обидуваше да ја промени сликата со игра седум на шест, но Вардар имаше одговор за секој обид на гостите да се вратат во натпреварот. Во завршните минути домашните рутински ја контролираа предноста и стигнаа до деветтата победа во исто толку одиграни кола, со која остануваат непоразени на врвот на табелата.

Леон Љевар со седум погодоци беше најефикасен кај Вардар, а Жоао Педро Да Силва постигна шест. Кај Еурофарм Пелистер најдобар стрелец беше Филип Кузмановски со девет гола.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Кошарка

МЗТ три од три дома, Работнички три од три на гости пред вечното дерби

МЗТ Скопје Аеродром и Работнички влегуваат во дербито од седмото коло со по една серија што ќе биде прекината. Шампионот ги доби сите...

ФудбалФутсал

Две непоразени екипи во Втората футсал лига, две екипи без бодови

По четири одиграни кола во Втората футсал, две екипи немаат пораз, а две екипи немаат бодови. Каршиака и Црна Река не знаат за...

Поврзани написи
Ракомет

Астибо до голема победа над Струга на крилата на Анастасија Богоевска, Ева Манева и Ана Марија Накова

Астибо предводен од Габриела Величковска стигна до својата трета сезонска победа откако...

Ракомет

(ВИДЕО) Седум од седум! Пионерите на Младост го освоија Скопје, падна и Алкалоид – богданчани незапирливи!

Пионерите на Младост од Богданци продолжуваат со импресивните настапи во новата сезона....

Ракомет

Ракометен празник во Богданци: Легендарната „Млаз“ ќе ги пречека младите ракометни надежи на турнирот У13 – Исток!

Богданци повторно ќе биде во центарот на ракометните случувања, овојпат со најмладите...

Ракомет

Општина Конче испишува нова спортска приказна: Младите ракометари на РК Феникс ја бодреа Македонија од трибините!

Руралната општина Конче продолжува со поддршката и развојот на спортот, а благодарение...

✕
error: Содржина е заштитена! Се забранува копирање на истата!