Екипата на Козјак од Старо Нагоричане стигна до првата сезонска победа откако во гости со 0:2 го доби Влазними од Оризари, во меч од 7. коло на Трета лига регион 2.
Драган Трајковиќ во 43. минута погоди за 0:1 на полувреме, а победата ја потврди Мартин Стефановиќ во 83. минута за конечни 0:2.
Екипата на Козјак стигна до првата сезонска победа и го напушти дното на табелата.
Липково преку пресврт беше поразен пред домашната публика од Пчиња со 1:3. Есат Рамани во 16. минута го отвори резултатот за водство на домаќинот, а во 33. минута следува израмнување со голот на Николче Стојановски.
Во вториот дел Христијан Стојчевски погоди за пресврт, а Бобан Стојановски во 87. минута ги постави конечните 1:3.
Јуниор од Доброшане забележа пораз во гости од Беса Слупчане со 3:1. Седат Мурсели го донесе домаќинот во водство од 1:0, а во 40. минута Сретан Каланоски погоди за 1:1.
Во второто полувреме домашните преку Мерван Фетаи во 78. минута имаа нова предност, а Амир Бајрами во 87. минута ги постави конечните 3:1.
Лидерот Куманово ја декласираше Победа од Тромеѓа со резултат од 6:1 за нова радост на навивачите. Андреј Јовановски беше двоен стрелец за Куманово, а по еден гол постигнаа Марко Даовски, Амар Имери, Леон Момевски и Бехар Реџепи.
Во вториот дел Андреј Петрушевски постигна утешен гол во 82. минута од средбата во Доброшане.
