Третолигашот Ударник од Пирава го загуби натпреварот од Огражден во Ново Село со минимални 1:0, но по мечот веднаш излезе со соопштение во кое бурно реагираше за арбитражата, односно реагира на одлуките на помошникот судија.
ФК Ударник во прилог на соопштението истакна и видео со спорните моменти.
- ЦЕЛО СООПШТЕНИЕ НА ФК УДАРНИК:
На секое место во светот, оваа асистенција ќе беше кандидат за АСИСТЕНЦИЈА НА ГОДИНАТА! Но, за помошниот судија Ристе Грендов, тоа е офсајд! И тоа во ситуација кога нашиот играч е повеќе од еден метар зад противничката одбранбена линија!
Ако првата ситуација беше скандалозна, втората е веќе КОМИЧНА! Противнички играч ја враќа топката наназад, а помошниот судија повторно крева офсајд!
Затоа јавно ги прашуваме надлежните во регионот, одговорни за оваа лига:
Дали некој им кажал на судиите дека треба да судат во корист на домашната екипа?
Или, пак, проблемот е во тоа што некои судии не ги познаваат основните фудбалски правила?
Кој ќе преземе одговорност за ваквото судење и кој ќе ги заштити клубовите што вложуваат труд, време и пари во фудбалот?
ФК Ударник Пирава нема да молчи кога на теренот се случуваат вакви работи! Ние прифаќаме пораз кога противникот е подобар, но НЕ МОЖЕМЕ И НЕМА ДА ПРИФАТИМЕ судиски одлуки што директно влијаат врз резултатот!
Бараме одговори, одговорност и фер судење! Фудбалот треба да се решава на теренот, а не со свирчето на судиите!
