РепрезентацијаФудбалска репрезентација

Македонија повторно без гол и без бодови: Шкотска со триумф си замина од Скопје

Сподели
ФОТО: ФФМ
Сподели

Фудбалската репрезентација на Македонија продолжува без победа и без постигнат гол во новото издание на Лигата на нации. „Црвено-жолтите“ на Националната арена „Тодор Проески“ претрпеа пораз од Шкотска со 0-2, што беше трет неуспех за нашата селекција во групата.

Гостите одлично го започнаа натпреварот и уште во шестата минута стигнаа до предност. Киран Боуви доби простор пред нашиот шеснаесетник, се реши за удар од далечина и прецизно ја смести топката во мрежата на Димитриевски за 0-1.

Македонија тешко доаѓаше до шанса, додека Шкотска беше поконкретна и во продолжението од првиот дел. Робертсон и Ганон-Доук имаа можности за зголемување на предноста, но не беа прецизни, додека најсериозниот наш обид го имаше Илиевски, кој по една контра шутираше крај голот.

Селекторот Гоце Седлоски реагираше уште во првото полувреме и по само половина час направи двојна замена, внесувајќи ги Џеков и Атанасов на местата на Херера и Станковски. Сепак, промените не донесоа значителен пресврт во играта.

Во вториот дел Шкотите повторно беа поопасни, а главна улога имаа и ВАР-ситуациите. Во 56. минута беше досуден пенал за гостите по стартот на Гаштаров, но по прегледот на снимката одлуката беше преиначена.

Неколку минути подоцна повторно следуваше проверка за пенал, но овојпат одлуката остана. Миовски играше со рака во сопствениот шеснаесетник, а МекГин ја презеде одговорноста и во 69. минута погоди за 0-2.

Шкотска остана со десетмина во 83. минута по исклучувањето на Мекена, но Македонија не успеа да го искористи бројчаниот вишок. До крајот немаше промена на резултатот.

Со тоа, Македонија го запиша третиот пораз во групата и повторно остана без постигнат гол. Во следниот натпревар нашата репрезентација гостува кај Швајцарија во Луцерн.

☕ Ако ја поддржувате работата на Спортска Мрежа и нашата мисија за промоција на македонскиот спорт, можете симболично да нè поддржите со едно кафе. Вашата поддршка ни помага да продолжиме да создаваме содржини за македонскиот спорт.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Трета лигаФудбал

Млекар се израдува на три бода, Борец со седум гола, Вардар со пресврт до 4:3, Питу Гули славеше со шестка

Борец го совлада Превалец со 7:2 во велешкиот дуел од 11. коло во Третата лига – Регион 4. Вардар Неготино со пресврт славеше...

Трета лигаФудбал

Победа Валандово остана на врвот, Овче Поле со пресврт, Брегалница Делчево славеше во Дојран, Каменица Саса со сигурен триумф над „фенерџијата“

Победа Валандово со минимален триумф над Хоризонт Турново останува на врвот во од табелата во Третата лига – Регион 3. Каменица Саса остана...

Поврзани написи
РепрезентацијаФудбалска репрезентација

Познати термините за баражот на Македонија против Кипар

По жрепката во Нион, УЕФА ги одреди и термините за одигрување на...

Кошаркарска репрезентацијаРепрезентација

Селекторот Берокал го објави списокот на кошаркари за дуелот со Кипар

Селекторот на машката сениорска репрезентација на Македонија, Жозеп Марија Берокал, го објави...

РепрезентацијаФудбалска репрезентација

Македонија против Кипар во баражот за опстанок во Б Лигата на нации

Репрезентацијата на Македонија го доби противникот во баражот за опстанок во Б...

✕
error: Содржина е заштитена! Се забранува копирање на истата!