Кичевски Влазерими Јуниор продолжува да нижи победи во Трета лига регион 5, откако на гостински терен во Кравари со 2:3 славеше над новајлијата Крошу Спорт, за трет триумф од толку натпревари.
Гостинот преку Леотин Бајрами во 17. минута дојде до почетна предност, а домашниот тим преку Дамјан Бојин и Даниел Николовски успеа да го сврте резултатот на 2:1 на полувреме.
Во вториот дел се случи нов пресврт во полза на гостинот од Кичево, откако Албулен Имери со два гола ги постави конечните 2:3.
До утре Влазерими ќе биде лидер со девет бода, но има меч помалку во однос на конкурентите.
