Штипскиот второлигаш Брегалница го официјализира своето прво зимско засилување за пролетниот дел од сезоната во Втората лига. Станува збор за 23-годишниот офанзивец Стефан Бабунски, кој пристигнува од Детонит Плачковица, второлигаш од Радовиш.
Бабунски ќе ја зајакне конкуренцијата во нападот на Брегалница. Во својата досегашна кариера, тој има настапувано за екипите на Еуромилк ГЛ, Брера Струмица, Плачковица, Каменица Саса и Детонит Плачковица, од каде и се приклучува на штипскиот тим.
Раководството на клубот најавува дополнителни засилувања во претстојниот период, со цел да се задржи високото второ место на табелата или да се избори за првото место, што би овозможило директен влез во Првата лига и брзо враќање во македонската фудбалска елита.
