Ракометарките на Куманово и Мулти Есенс одиграа исклучително неизвесен натпревар, кој по голема драма во завршницата заврши без победник, 33:33.
Гостинскиот состав од Автокоманда во поголемиот дел од средбата ја имаше контролата над резултатот и во неколку наврати успеваше да стигне до предност од шест гола. Сепак, Куманово не се откажа и во последните минути направи голем пресврт.
Мулти Есенс во последната минута влезе со три гола предност, но не успеа да ја сочува. Домашните ја искористија серијата грешки на младиот состав, а во последниот напад Наум Костов погоди непосредно пред истекот на времето за голема радост на кумановската публика и конечни 33:33.
Костов беше и најефикасен во домашниот состав со 12 погодоци, додека Мамдух придонесе со девет. Кај Мулти Есенс, Матевски го заврши натпреварот со 10 гола.
