Со четири натпревари денес ќе биде отворена втората рунда во Трета лига регион 4, што ќе понуди интересни и неизвесни соочувања.
ГФК Победа како апсолутен фаворит на домашен терен ќе се соочи со Влазними Јуниор, повеќе од јасно е дека трите бодови треба да останат во Прилеп, се друго ќе биде повеќе од изненадувања.
Бучин е мотивиран за денешниот меч и оди по цел „плен“ против Росоман во гости, а пак Венец од Долни Дисан во улога на фаворит ќе гостува кај Млекар.
Башкими од Јаболчиште ќе бара први бодови против новајлијата Победа од Пепелиште.
Колото се затвара утре со три средби. Превалец ќе бара рехабилитација на домашен терен против Ултрас, откако во првото коло претрпе тежок пораз. Питу Гули на домашен терен ќе бара први бодови против Борец, кој во Крушево патува како фаворит за цел „плен“.
Колото се затвара со дуелот на двата лански второлигаши, Вардар Неготино ќе го пречека Големо Коњари на „Цвај арената“.
