Во воведниот меч од второто коло на Трета лига регион 5 екипата на Крошу Спорт на домашен терен сака да ги освои трите бодови во дуелот со ланскиот второлигаш Преспа, откако тимот од Преспа во првото коло доживеа вистински дебакл губејќи со 0:4 од Чардак.
Утре се играат останатите пет средби. Демир Хисар на домашен терен ќе има тешка задача против Влазерими, во дуел каде гостинот од Кичево го игра првиот меч во новата сезона откако во првото коло беше слободен, а ќе ја има и улогата на фаворит за трите бодови.
Дебитантот Чардак од Велгошти на домашен терен ќе има неизвесен предизвик против кичевски Напредок. Тимот од Велгошти е максимално мотивиран по убедливата победа во Ресен, а гостинот од Кичево сака продолжува на победничката серија.
Могила по поразот во Струга на домашен терен ќе бара позитивен резултат против Баир Спорт, Кравари ќе игра дерби со Света Троица за три бодови, додека пак во Ношпал екипата на Напредок ќе го пречека Караорман.
