Со триумфот над Шкендија на гостински терен, екипата на Тиквеш покажа дека сезонава има амбиции за пласман во горниот дел од табелата.
Кавадаречкиот состав е без пораз на последните четири натпревари, во кои забележа една победа и три нерешени средби. На последниот меч, Тиквеш одигра 1:1 против Струга, претходно ја совлада Шкендија, а серијата без пораз ја продолжи и против Вардар.
Добрата форма им дава дополнителен мотив на кавадарчани пред дуелот со Силекс, на кој ќе се обидат да дојдат до нов триумф и да ја продолжат позитивната серија.
„Сакаме да ја продолжиме серијата на добри резултати која ја имаме на последните натпревари. Силекс е одлична екипа, и покрај тоа што резултатите на последните натпревари не кажуваат така. Сепак, влегуваме со максимален респект во натпреварот и само со максимален пристап ќе можеме да дојдеме до позитивен резултат. Кратово е секогаш незгодно гостување, но оптимисти сме дека можеме да дојдеме до бодови“, изјави Кристијан Ацковски.
