На 15. септември ќе започне новата сезона во Третата македонска фудбалска лига – Исток со вкупно десет екипи, иако првично беше најавено дека учество ќе земаат 12 екипи, сепак две екипи го откажаа своето учество.
Во новата сезона нема да се натпреваруваат екипите на Рудар од Пробиштип и Граничар Спорт од село Ново Коњарево, општина Ново Село, струмичко. Екипата на Рудар во новата сезона акцент ќе става на младинските категории бидејќи поради недостиг на фудбалери не е во можност да земе учество во сениорска конкуренција.
Во новата сезона ќе се натпреваруваат Брегалница од Делчево, Тиверија, Малеш, Слога од Виница, Овче Поле, Светлост Зрновци, Карбинци, Ударник, Дојранско Езеро и Хоризонт Турново.
Ждрепката беше извлече во Кочани, а на извлекувањето присуствуваше и Спортска Мрежа како медиум, а ждрепката посака во првото коло да се соочат Дојранско Езеро против Хоризонт Турново, Карбинци против Ударник, Слога Виница ќе патува во Берово кај Малеш, Карбинци против Ударник, Тиверија ќе ја пречела Брегалница од Делечво, а пак Овче Поле ќе игра против новајлијата Светлост од Зрновци
Брегалница Делчевовпо една сезона одново ќе игра во Трета лига – Исток, а некогашниот прволигаш, поранешен вицешампион на Македонија и екипа која играше во европските квалификации по неколку години пауза се реактивира во сениорскиот фудбал, а Светлост Зрновци е шампион на ОФЛ Кочани и така обезбеди место во ТМФЛ – Исток.
Александар Ванев, Спортска Мрежа
