Шахистките на ШК Алкалоид ја одбранија шампионската титула на Европското клупско првенство, откако со одличен настап освоија 11 од можни 12 бодови.
Клучниот чекор кон новиот трофеј беше направен во директниот дуел со МШК Центар, кој Алкалоид го доби со 2,5:1,5. Во шампионскиот состав настапија Лела Јавакашвили, Бела Котенашвили, Моника Стојоска, Габриела Коскоска, Моника Жежовска и Леа Ефтовска.
Во машка конкуренција, пак, ШК Алкалоид е на добар пат да ја одбрани титулата. Во шестото коло македонскиот шампион славеше против ШК Гамбит со 3,5:2,5.
Мечот беше долг и неизвесен, а дури пет партии завршија со реми. Клучниот поен за Алкалоид го освои велемајсторот Велимир Ивиќ, кој на втората табла го совлада холандскиот велемајстор Томас Бердсен.
Младиот состав на Мулти Есенс, пак, по шест одиграни кола се наоѓа на делба на четвртото место. Македонскиот тим има шест освоени бодови, колку што има и ШК Нов Напредок од Штип.
