Домаќинот на групата А во претквалификациите за Лигата на шампионите, Атлетик Клуб Грац, стигна до втора победа во групата, откако вечерва со 2:0 го совлада шампионот на Израел, Макаби Нетанја.
Грац уште еднаш покажа зошто важи за сериозен фаворит на домашен терен, а со новите три бода се зацврсти на врвот на табелата.
Австрискиот шампион до водство стигна во самиот финиш на првото полувреме. Фидершеκ во 19:37 минута го погоди голот на Макаби за 1:0.
Во второто полувреме Грац продолжи со контролирана игра, а предноста ја зголеми Ковачиќ во 28:10 минута, поставувајќи ги конечните 2:0.
Интересно е што натпреварот помина без картони – ниту една од двете екипи не доби жолт или црвен картон.
Грац беше нешто поактивен во поглед на вкупните обиди, 24:21, додека Макаби имаше повеќе корнери – 6:4.
🇦🇹 Грац на врвот, Проект со бод
Со оваа победа, Грац има шест бода од два натпревари, откако во првото коло убедливо го совлада македонскиот шампион Проект со 6:0.
Проект, пак, по ремито 3:3 против Врхника, има еден освоен бод, додека словенечкиот шампион исто така е на еден бод. Макаби Нетанја останува без бод по двата одиграни натпревари.
Последниот натпревар од групата за Проект ќе биде од особено значење.
🇲🇰 Проект – Врхника 3:3
🇦🇹 Грац – Макаби Нетанја 2:0
А македонскиот шампион својот последен меч го игра:
🇮🇱 Макаби Нетанја – Проект 🇲🇰
📅 29 август
🕠 17:30 часот
Спортска Мрежа од Грац, Австрија
