Најмладата македонска претставничка на Медитеранските игри во Таранто, тенисерката Сара Митевска, го заврши настапот во поединечна конкуренција со пораз.
Митевска попладнево беше совладана од фаворитката и четврта носителка, Марта Матула од Грција, со 2:0 во сетови.
Грчката тенисерка убедливо го доби првиот сет со 6:0, додека во вториот Митевска пружи поголем отпор, но Матула славеше со 6:4.
За Митевска, која е БЈК куп репрезентативка на Македонија, настапот на Медитеранските игри во Италија претставуваше големо искуство и можност за настап на силен меѓународен турнир.
На тенискиот турнир во Таранто, покрај Митевска, настапи и Кристијан Јанев. Двајцата имаа настап и во мешани двојки, но и таму ги завршија своите натпревари.
