ГФК Тиквеш приреди посебен ден за своите најмлади фудбалери, исполнет со насмевки, радост и многу љубов кон фудбалот и клубот од Кавадарци.
Најмладите членови добија свои маички, а посебна радост им донесе можноста да се фотографираат со своите фудбалски идоли. Токму ваквите моменти се од особено значење за децата, кои добија можност да создадат спомени што долго ќе ги паметат.
Од клубот истакнуваат дека целта е да се негува љубовта кон Тиквеш и фудбалот, но и најмладите да се инспирираат да сонуваат големи фудбалски соништа.
„За нас, токму овие моменти се највредни – да создадеме спомени кои децата ќе ги паметат, да ја негуваме љубовта кон Тиквеш и да ги инспирираме нашите најмлади да сонуваат големи фудбалски соништа.“
Од ГФК Тиквеш упатија и благодарност до сите кои помогнаа оваа идеја да стане реалност и придонесоа за создавање на ден исполнет со радост, насмевки и незаборавни моменти за најмладите фудбалери.
