Најтрофејниот македонски фудбалски клуб Вардар го претстави првото зимско засилување за пролетниот дел од Првата македонска фудбалска лига.
Михал Пинтер е нов играч на Вардар, а словачки интернационалец доаѓа од редовие на Шкупи, практично тој останува и понатаму во Скопје. 30-годишникот игра на централната дефанзивна позиција, а во дресот на Шкупи има одиграно 42 натпревари во Првата лига.
Во минатото Пинтер настапуваше за екипите на Татран и Вион Злате Моравце, а беше дел од сите младински селекции на репрезентацијата на Словачка.
Вардар со 13 бодови есенскиот дел го заврши во опасната зона односноа на претпоследното 11. место, а во пролетниот дел ќе води борба за директен и сигурен опстанок.
