Вечерва во 18 часот ќе се одигра најголемото ракометна дерби помеѓу шампионот Еурофарм Пелистер и Вардар, во полната сала „Боро Чурлевски“, која беше распродадена за рекордни седум минути.
Во салата ќе бидат и двете навивачки групи „Чкембари“ и „Комити“, а тоа ќе ја „запали“ атмосферата до максимум во битолската сала.
На првата пресметка Вардар беше подобар со 27:24 против шампионот во СЦ „Јане Сандански“ тогаш Владо Недановски го водеше Вардар, а пак Бранко Ангеловски го водеше Еурофарм Пелистер, но вечерва ќе има ново тренери на клупите.
За првпат еден против друг ќе се соочат Раул Алонсо и Гиљермо Милано.
Најдобрите наши судии ќе ја делат правдата Ѓорѓи Начевски и Славе Николов, а делегати ќе бидат Марјан Начевски и Драган Начевски.
