Второлигашот Камјани кој за првпат ќе заигра во Втората македонска фудбалска лига продолжува да се екипира и да го подига квалитетот во сопствените редови.
Најново име кое пристигна во редовите на новајлијата е Аљбан Мемеди, кој пристигна од тимот на Брегалница. 22-годишникот со „сините“ од Штип обезбеди пласман во Првата македонска фудбалска лига, а низ кариерата беше дел од Кожуф, Башкими, Воска Спорт, Детонит Плачковица, тетовска Шкендија, Куманово Еуроспорт, Милано Куманово, а меѓународна кариера градеше во Косово настапувајќи за екипата на Лирија.
Мемеди игра како централен напаѓач, а може да игра и како лево крило, а носи и прволигашко искуство.
Новата сезона Камјани ја стартува во Битола против Пелистер, а првото коло се игра на 15 август.
