Дебитантот во Втората македонска фудбалска лига, Камјани продолжува да се засилува за новата сезона која стартува на 15 август.
Најново име кое дебитантот го обезбеди и искусниот Енис Дервиши кој доаѓа од редовите на прволигашот Шкендија Арачиново. Станува збор за фудбалер кој речици една деценија е активен во фудбалот и со себе носи огромно искуство и квалитет.
28-годишниот Дервиши низ неговата кариера покрај за тимот од Арачиново настапуваше и за Тетекс, Гостивар, Воска Спорт, Работнички и тетовска Шкендија.
Зад себе Дервиши има големи резултати – вицешампион со Воска Спорт во Втора лига, шампион со Гостивар, а минатата сезона стана шампион со Шкендија Арачиново и го постигна победничкиот гол за историски влез на тимот од Арачиново во Прва лига.
Камјани сезоната во Втората лига ја отвара против Пелистер во Битола.
