Сѐ е подготвено за почетокот на Меморијалниот турнир во мал фудбал „Влатко Петров“, кој утре стартува во штипската населба Чардаклија. Турнирот и оваа година ќе ги собере најдобрите екипи, а организаторите повторно најавуваат врвна организација и одлични услови за сите учесници и посетители.
Годинава спортскиот комплекс ќе понуди уште подобри услови за следење на натпреварите. За првпат се поставени трибини покрај теренот, со што љубителите на малиот фудбал ќе можат да уживаат во натпреварите во значително покомфорни услови.
На турнирот ќе настапат 20 екипи, поделени во четири групи со по пет тима.
Во Групата 1 ќе играат Мета Pixels, Камлес Градба, Фаланга Штип, Радање и КМФ Кратово.
Во Групата 2 се Динамо Штип, МАГНА, Мист Пласт, Цоле Транс Коп и Супер Термити од Битола.
Групата 3 ја сочинуваат Украс Инк, Чардаклија Сениори, Техногума-Мела, Шампиони и Перо и Тајфата.
Групата 4 ќе се натпреваруваат No Stop Transport, Tobis Agro, Blagica Kitchen, Каров Шпед – Шкорпиони и Компанија Атанасовски.
Веќе е позната и програмата за првата натпреварувачка вечер, која носи четири интересни пресметки. Турнирот ќе биде отворен во 20:00 часот со дуелот меѓу Каров Шпед – Шкорпиони и Tobis Agro. Во 20:50 часот Tobis Agro повторно ќе излезе на терен против No Stop Transport, од 21:40 часот ќе се сретнат Чардаклија Сениори и Техногума-Мела, а програмата ќе биде заокружена со натпреварот меѓу МАГНА и Мист Пласт, кој започнува во 22:30 часот.
Меморијалниот турнир „Влатко Петров“ со години важи за еден од најквалитетните турнири во мал фудбал во Македонија, препознатлив по високото организациско ниво, силната конкуренција и одличните услови што им ги обезбедува на екипите.
И оваа година Спортска Мрежа ќе биде медиумски покровител на турнирот, продолжувајќи ја успешната соработка која започна во 2022 година. По петти пат, преку нашите платформи ќе можете да ги следите резултатите, фотографиите, видеата и најинтересните моменти од сите натпреварувачки вечери во Чардаклија.
