Синоќа на турнирот во мал фудбал „Враништа 2026“ се одиграат нови четири натпревари од нокаут фазата, кои понуди многу погодоци и убедливи победи за комплетно уживање на публиката.
Уште на првиот меч беше најавено дека ќе има голеадата на сите натпревари. Инекс Олгица ја оправда фаворитската улога со триумф од 4:2 над КОВ Охрид, додека пак во вториот меч Термити Битола со 2:4 забележа триумф над тимот на ДООЕЛ Ноче.
Триумф со четири погодоци однесе и екипата на Агро-рес Ресен славејќи триумф со 1:4 над БИ-ЗИ Груп. Последниот меч понуди дури десет погодоци, тотална доминација и убедлива победа за Сатеска, откако со 8:2 го „декласираше“ тимот на Демо Пласт.
Вечерва на програмата се нови пет натпревари, со што гледачите ќе може да уживаат во натпревари кои се очекува исто така да биде возбудливи, неизвесни, но и да донесат одново многу погодоци. Програмата започнува со првиот меч од 19 часот, а последниот меч е во 23 часот.
- 19:00 Викса Пром – Чикос Алегрес
- 20:00 ТОМ-ГОР – Охридски бисер Филеви
- 21:00 Кафе бар 9 – Гранит Х
- 22:00 Аце Најдески – Јован 2014
- 23:00 Чардак Велгошти – Ескобар Волино
После одигрувањето на нокаут фазата, ќе се формираат четири групи по три екипи. Двете прво пласирани екипи во група продолжуваат во 1/4 финале. Ждрепките за групите ќе се одржат веднаш после последниот натпревар од нокаут фазата.
Спортска Мрежа и годинава е медиумски покровител на овој спортски настан.
