Еурофарм Пелистер продолжува со екипирањето за новата сезона, а ново засилување во редовите на битолскиот е босанскиот ракометар Омер Мехмедовиќ.
Станува збор за 26-годишен среден бек, кој потпиша договор на една сезона со опција за продолжување на уште една година со битолскиот клуб.
Мехмедовиќ важи за етаблиран ракометар, кој својата кариера ја започна во Грачаница, по што кратко настапуваше и во австрискиот Барнбах Хофланд. Во Битола пристигнува од словенечкиот клуб Рико Рибница, каде настапуваше во словенечкиот шампионат.
Со ангажманот на Мехмедовиќ, Еурофарм Пелистер добива дополнителен квалитет на бековската позиција, а ова е уште еден ракометар од Босна и Херцеговина кој ќе го носи зелено-белиот дрес, по претходниот потпис со Едвин Џелиловиќ.
Официјалното претставување на новото засилување е закажано на стартот од подготовките за сезоната 2026/27, кога Мехмедовиќ и официјално ќе им се стави на располагање на стручниот штаб на битолскиот состав.
Мехмедовиќ е шестото засилување за тимот на Лино Червар за сезоната 2026/27 по Татар, Котар, Серафимов, Белистојаноски и Џелиловиќ.
