Натпреварот од последното 22. коло во Трета лига – Исток помеѓу екипите на Овче Поле и Малеш од Берово не се одигра на Градскиот стадион во Свети Николе.
Причината за неодигрувањето на средбата е тоа што гостинскиот тим од Берово најавил дека нема да може да пристигне на натпреварот, па така Овче Поле службено ќе ги добие бодовите од овој дуел.
Со новите службени три бода, тимот од Свети Николе сезоната ја завршува на второто место на табелата во Трета лига – Исток.
Шампионската титула во источниот регион ја освои Победа Валандово, која ќе игра бараж за пласман во Втората македонска фудбалска лига.
