Пионерите на Вардар Неготино се есенски шампион во Третата лига пионери лига А со 25 бодови на своето конто и учинок од осум победи, едно реми и два порази.
Вардар Неготино одигра одлична есенска полусезона откако во текот на целата есенска полусезона доминираше на фудбалски терени со што го има и најефикасниот напад кој има реализирано 44 погодоци.
Дека пионерите на Вардар Неготино имаа одлична полусезона говори фактот што Петар Смилков е најдобра стрелец во лигата со постигнати фантастични 22 погодоци, што значи дека 15-годишниот Смилков ги има постигнато пола од погодоците на неговата екипа.
На второто место на листата на стрелци е Михаил Гоговски од екипата на Академија Осогово со десет погодоци, со што се гледа преголемата разлика во постигнатите погодоци на капитенот на Вардар Неготино, Петар Смилков.
„Одигравме одлична есенска полусезона. Премногу сме задоволни од тоа што го покажаа нашите момци во текот на овој есенски дел. Во екипата има голем потенцијал, овие играчи во иднина со сигурност би можеле да настапуват за првата екипа на Вардар Неготино“, изјави за Спортска Мрежа, тренерот Вили Смилков.
Со оваа генерација покрај Смилков како тренер работи и Илија Стојанов, а оваа тренерско дуо прави одлични резултати со производ на одлични играчи кои би биле иднината на Вардар Неготино.
Во Трета лига пионери лига А настапуваат осум екипи, на второто место заврши Академија Осогово со 20 бодови односно пет помалку од есенскиот шампион Вардар Неготино.
- ЦЕЛА ТАБЕЛА ОД ТРЕТА ЛИГА ПИОНЕРИ ЛИГА А:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ГФК ВАРДАР Неготино | 11 | 8 | 1 | 2 | 44 | 20 | +24 | 25 |
| 2 | ФК АКАДЕМИЈА ОСОГОВО 2022 | 11 | 6 | 2 | 3 | 27 | 19 | +8 | 20 |
| 3 | ФК СЛОГА 1934 | 11 | 6 | 1 | 4 | 39 | 20 | +19 | 19 |
| 4 | ОФК МАЛЕШ | 11 | 6 | 1 | 4 | 29 | 17 | +12 | 19 |
| 5 | ГФК ОСОГОВО | 11 | 6 | 0 | 5 | 22 | 20 | +2 | 18 |
| 6 | ФК СИЛЕКС АД | 11 | 4 | 3 | 4 | 23 | 17 | +6 | 15 |
| 7 | ФК КАМЕНИЦА САСА | 11 | 2 | 2 | 7 | 13 | 37 | -24 | 8 |
| 8 | ФК ВАРДАРСКИ | 11 | 0 | 2 | 9 | 7 | 54 | -47 | 2 |
Во продолжение можете да погледнете дел од листата на најдобри стрелци, односно на играчите кои постигнале најмногу погодоци во есенскиот дел.
- ЛИСТА НА НАЈДОБРИ СТРЕЛЦИ:
- 22 Смилков Петар (ГФК ВАРДАР Неготино)
- 10 Гоговски Михаил (ФК АКАДЕМИЈА ОСОГОВО 2022)
- 9 Колишев Бојан (ФК СЛОГА 1934)
- 9 Милчовски Филип (ОФК МАЛЕШ)
- 9 Фидановски Матеј (ФК СЛОГА 1934)
- 6 Зафироски Михаил (ГФК ОСОГОВО)
- 5 Андонов Андреј (ФК КАМЕНИЦА САСА)
- 5 Великов Диме (ГФК ВАРДАР Неготино)
- 4 Антовски Војдан (ФК КАМЕНИЦА САСА)
- 4 Вакански Кико (ОФК МАЛЕШ)
- 4 Николов Никола (ГФК ОСОГОВО)
- 3 Андреев Андре (ФК СЛОГА 1934)
- 3 Димитровски Лука (ФК АКАДЕМИЈА ОСОГОВО 2022)
- 3 Ивановски Дамјан (ФК СИЛЕКС АД)
- 3 Карпачев Виктор (ГФК ВАРДАР Неготино)
- 3 Миловски Јоце (ФК СЛОГА 1934)
- 3 Миовски Матеј (ОФК МАЛЕШ)
- 3 Младеновски Марио (ФК АКАДЕМИЈА ОСОГОВО 2022)
- 3 Павловски Филип (ФК АКАДЕМИЈА ОСОГОВО 2022)
- 3 Трајковски Никола (ФК СИЛЕКС АД)
