Фудбалскиот клуб Кустошија кој се натпреварува во Третата хрватска лига дефинитивно препрасна во еден од најуспешните клубови кога е во прашање развојот на млади фудбалери, но и успешните трансфери од милионски суми.
Во клубот е влијателниот агент Енди Бара, а последен голем милионски трансфер кој го направи Кустошија е фудбалерот Баје Кулибали, 18-годишниот стопер се пресели во редовите на америнаскиот МЛС клуб Шарлоз за сума од два милиони евра, но и дополнителен милион евра во бонуси и 25% од следниот трансфер на Кулибали.
Талентираниот фудбалер остави голем белег откако со репрезентацијата на Мали го осови третото место на Светското првенство за играчи до 17 години во Индонезија.
Кулибали во Кустоија пристигна од Етоал Манд за 500.000 евра, а веќе хрватскиот клуб си ја заврши својата работа и инкасираше големи финансии, а секако клубот и во иднина ќе инкасира големи суми во својот клупски буџет.
Претходно, хрватскиот клуб направи голем трансфер со Сенегалецот Микаил Фаје кој замина во Барселона за 1,5 милиони евра, потоа напаѓачот Дино Клапија кој напрви трансфер од три милиони евра, како и Нико Томашевиќ за трансфер од еден милион евра, но со големи милионски бонуси.
ТАКА СЕ РАБОТИ ВО ХРВАТСКА, НО ДАЛИ ВО МАКЕДОНИЈА ЌЕ ИМАМЕ ВАКВИ ТРАНСФЕРИ?
Сите гледаме, читаме и слушаме за оваа успешна приказна за овој хрватски третолигаш, големите гиганти во Хрватска и Србија тоа го прават со години, како и во Босна и Херцеговина, но Македонија е далеку од оваа реалност.
Ако зборуваме за Третата македонска фудбалска лига тука над 80% од клубовите одвај крпат крај со крај со финансии, терени во ужасна состојба, некои клубови и натаму се натпреваруваат со играчи кои имаат над 45 години. При секоја тензична ситуација, веднаш се забранува публика на стадиони, каде и онака одвај се собираат 100 гледачи.
Секојдневно зборуваме за потребата од ВАР, се постигнуваат погодоци со рака како да се регуларни, а пак регуларни погодоци се поништуваат… пола екипи немаат плата со месеци… терени при еден обилен дожд веднаш се под вода, соблекувални пред распаѓање, топла вода на пола стадиони и натаму немаме… но затоа се ветуваат брда и долини кога се во прашање развој на младински фудбал и слично.
Во следниот период ќе реализираме емисија токму на оваа тема.
