Вечерва во рамки на 8. коло од Втората футсал лига на Македонија екипата на Енхалон на домашен терен со 9:3 го декласираше Кораби од Дебар и со тоа го оддалечува од можност да ги напаѓа првите две позиции кои водат кон елитата.
Победата беше најавена уште во првито дел од натпреварот, кога резултат на семафорот беше 5:1. Кристијан Петкоски уште во 6. минута постигна гол за водство од 1:0, а потоа Мишо Ѓорѓиески со два погодоци зголеми на 3:0. голгетерот Никола Пластиновски погоди за 4:0, а потоа одличниот Валмир Ваитовски намали на 4:1, но домаќинот преку Дејан Милошевски дојде до 5:1 на полувреме.
Во вториот дел се зголемуваше предност за Енхалон, а се тресеше мрежата на Кораби. Ѓорѓиески постигна уште два гола, а уште два гола постигна и Милошевски, додека пак за гостинот по еден гол постигнаа Енес Боличе и Енѓел Точи само за ублажување на поразот на конечни 9:3.
До комплетирање на колото екипата на Енхалон ќе биде на третото место со 13 бодови, колку што има и Кораби, но тимот од Дебар има меч повеќе.
Со овој триумф Енхалон сериозно се вмеша во трката за место за Прва лига.
