Женскиот фудбалски клуб Тиверија Брера ќе се бори за трофејот во Купот на Македонија, каде во големото финале ќе се соочи со Каменица Саса.
Финалниот натпревар е закажан за 14 мај (четврток) со почеток од 15 часот на Стадион Ѓорче Петров, а од струмичkiот клуб упатија јасен повик до навивачите да бидат нивниот „12-ти играч“ на овој важен меч.
Под мотото „Сите во Скопје“, од Тиверија Брера информираат дека е обезбеден организиран превоз од Струмица за сите заинтересирани навивачи, со цел што поголема поддршка за екипата во битката за трофејот.
Од клубот апелираат навивачите навреме да се пријават и заедно да создадат вистинска фудбалска атмосфера, која ќе им даде дополнителен мотив на фудбалерките на теренот.
Очекувањата се за возбудлив натпревар и голема борба за Куп трофејот, а струмичката публика има можност да биде дел од овој значаен спортски момент и да покаже што значи вистинска поддршка.
