Одбојкарките на ОК Наковски Волеј направија значаен чекор кон шампионската титула во Првата лига жени, откако славеа со 3:1 (25:16, 25:13, 23:25, 25:19) против ОК Работнички Скопје во третиот натпревар од финалната плејоф серија.
Со овој триумф, струмичкиот состав поведе со 2-1 во серијата „подобар во пет“ и се најде на чекор до освојување на титулата. Наковски Волеј доминираше во најголем дел од натпреварот, контролирајќи го темпото и резултатот.
Тимот имаше можност да дојде до максимална победа од 3:0, откако во третиот сет водеше со 23:20, но скопскиот состав направи серија од 0-5 и со пресврт го доби сетот со 23:25, обезбедувајќи продолжување на мечот.
Во четвртиот сет се водеше израмнета борба до 10:10, по што Наковски Волеј повторно ја презеде иницијативата и сигурно го приведе натпреварот кон победа. Клучна улога имаа Долдурова со 19 поени, Марковиќ со 15 и Ковачевиќ со 12, како и Милева со 11 поени.
Кај Работнички, најрасположени беа Стојанова со 12 и Милевска со 11 поени, но тоа не беше доволно за избегнување на поразот.
Следниот, четврти натпревар од финалната серија ќе се одигра во петок од 18 часот во СЦ „Борис Трајковски“, каде Наковски Волеј ќе има шанса да ја завери титулата, додека Работнички ќе се обиде да избори мајсторка.
