Одбојкарките на Наковски Волеј ја освоија шампионската титула во женска кадетска конкуренција, на финалниот турнир кој викендов се одржа во СЦ „Форца“ во Скопје. Во финалето, екипата предводена од Александар Митев со 3:1 (25:21, 25:22, 22:25, 25:18) го совлада составот на Пелистер Волеј.
Во борбата за бронзениот медал, кој во оваа возрасна категорија се игра во два добиени сета, Газели Волеј со 2:1 беше подобар од Младост УГД. Младост УГД го доби првиот сет со 25:18, но Газели израмни на 1:1 со 25:20 во вториот сет, додека во тај-брејкот домаќинот убедливо славеше со 15:5.
Претходно, во полуфиналето, Младост УГД загуби од Наковски Волеј по голема борба во тај-брејк 2:1 (25:13, 23:25, 15:13), додека во првото полуфинале Пелистер Волеј по три сета беше подобар од Газели Волеј.
ФИНАЛЕН ТУРНИР КАДЕТКИ
ПОЛУФИНАЛЕ
Газели Волеј – Пелистер Волеј 1:2 (23:25, 25:5, 10:15)
Наковски Волеј – Младост УГД 2:1 (25:13, 23:25, 15:13)
МЕЧ ЗА 3. МЕСТО
Газели Волеј – Младост УГД 2:1 (18:25, 25:20, 15:5)
ФИНАЛЕ
Пелистер Волеј – Наковски Волеј 1:3 (21:25, 22:25, 25:22, 18:25)
КОНЕЧЕН ПЛАСМАН
1.НАКОВСКИ ВОЛЕЈ
2. ПЕЛИСТЕР ВОЛЕЈ
3. ГАЗЕЛИ ВОЛЕЈ
4. МЛАДОСТ УГД
