Македонскиот репрезентативец Љупче Дориев продолжува да блеска во дресот на Согдиана, потврдувајќи ја својата одлична форма во узбекистанското првенство. Офанзивецот игра сезона за паметење и во моментов е меѓу најистакнатите фудбалери во лигата.
Дориев зад своето име има веќе 7 постигнати голови и 3 асистенции, со што се наоѓа на врвот на листата на стрелци, но и меѓу петте најдобри асистенти во шампионатот. Неговите настапи се од клучно значење за добрите резултати на Согдиана, а со секој натпревар ја потврдува својата важност во тимот.
Иако Согдиана нема најдобра позиција на табелата, тимот во моментов се наоѓа на 13-тото место во шампионатот, но сепак успева да ја избегне зоната за испаѓање од лигата. Токму придонесот на Дориев е еден од главните фактори што клубот останува конкурентен и се бори за сигурен опстанок.
Со ваква форма, Дориев не само што го привлекува вниманието во Узбекистан, туку испраќа силна порака и пред претстојните предизвици со македонската репрезентација. Доколку продолжи во ист ритам, нема сомнеж дека ќе биде еден од главните адути и во продолжението од сезоната.
