Екипата на БВК Коњаре со убедлива победа од 12:0 го декласираше дебитантот Перпарими Нигиштан на домашен терен, во воведен меч од 5. коло на Трета лига регион 1.
Гезим Бакиевски и Албион Јашари беа стрелци на по три гола, Ерблин Даци беше двоен стрелец, а по еден гол постигнаа Ангел Настевски, Еркан Шаип, Артан Чилафи и Бурим Алиев.
Триумф од 4:2 забележа и Ржаничино кој на домашен терен славеше над Беса од Сарај. Домаќинот на полувреме имаше три гола предност со погодоците на Стефан Богдановски, Петар Крстевски и Огнен Здравковски, а во вториот дел Халил Калач во 50. минута погодоци за убедливи 4:0.
ПОДДРЖИ ЈА СПОРТСКА МРЕЖА СО СИМБОЛИЧНА ДОНАЦИЈА
До крајот од средбата Зирап Имери со два гола го ублажи поразот на 4:2.
Колото се комплетира денес со останатите средби.
