Прилепска Победа продолжува да нижи големи победи во Трета лига регион 4 откако со 0:8 славеше над Победа во Пепелиште во меч од 5. коло.
Резултатот го отвори Златко Лазаров кој си постигна автогол во 7. минута, а потоа головите на Давид Паскоски и Христијан Митрески, како и двата гола на Мартин Никовиќ, тимот од Прилеп имаше 0:5 на полувреме.
Во вториот дел Димитар Шаркоски, Марио Тасески и Марио Дебрешлиоски ги поставија конечните 0:8.
Превалец ремизираше на гостувањето кај Бучин во меч со два гола за конечни 1:1. Домашниот тим во 20. минута дојде до водство од 1:0 со голот на Зоран Мирчески, а пак во вториот дел гостинот со голот на Филип Мијалковски во 52. минута успеа да остане непоразен и да се врати со бод.
ПОДДРЖИ ЈА СПОРТСКА МРЕЖА СО СИМБОЛИЧНА ДОНАЦИЈА
Питу Гули славеше висока победа од 0:3 над Млекар и во Крушево се враќа со трите бода. Резултатот го отвори Антонио Димоски во 43. минута за водство на полувреме, а во вториот дел Јованчо Бубаќоски ги постави конечните 0:3 со два гола.
Венец и Вардар Неготино ги поделија бодовите откако одиграа 2:2. Гостинот кој е лански второлигаш го отвори резултатот преку Дане Митрев во 6. минута, а потоа Стојанче Камчев во 36. минута си постигна автогол за 1:1 на полувреме.
Во вториот дел беа постигнати два погодоци во самиот финиш откако Стојанче Камчев погоди во 85. минута за 1:2, а само една минута подоцна Жарко Донев ги постави конечните 2:2.
Колото се комплетира со денешните средби.
