Екипата на Железарец ја освои титулата во Втората футсал лига на Македонија и по само една сезона се враќа во елитното друштво.
Поранешниот шампион на Македонија зад себе има извонредна сезона, во која целосно ја оправда амбицијата за брз камбек, откако минатата година испадна од најсилната конкуренција. Со константни настапи и стабилна игра, тимот успеа да ја оствари зацртаната цел и повторно да се врати таму каде што припаѓа.
Од клубот не го криеја задоволството од постигнатиот успех:
„Сезона исполнета со работа, конзистентност и тимска игра која на крајот донесе резултат. Да се вративме таму каде што впрочем и припаѓаме. Благодарност до сите што беа дел од ова – играчи, стручен штаб и поддршката во текот на целата сезона. Следува ново поглавје и предизвици на повисоко ниво“, истакнаа од Железарец.
За скопскиот тим сега следува нов предизвик – докажување во Првата футсал лига и обид за враќање на старите успеси.
