Победа Валандово е се поблиску да го стигне лидерот Овче Поле, откако денес го доби дербито на 18. коло во Трета лига – Исток славејќи со 2:0.
Огромна радост за „калинкарите“, славје и чекор поблиску до враќање на првото место.
Резултатот го отвори Христијан Бејков во 41. минута од мечот за водство од 1:0 на полувреме. Во вториот дел сите дилеми ги реши Давид Ашовалиев во 83. минута за конечни 2:0 и сега тимот е на минус два бода од лидерот од Свети Николе.
„Седумка на лото“ за Ударник кој со 7:1 го декласираше Дојранско Езеро во Пирава преку двојните стрелци Мирче Попов и Марјан Костадинов, а по еден гол постигнаа Крсте Тодоров, Здравков Павлов и Лазе Грбашлиев. За гостинот од Дојран единствен стрелец беше Александар Миовски.
Лото победа имаше и за екипата на Карбинци откако со 7:2 славеше над Карбинци, благодарение на петте погодоци на Марио Атанасовски, а двапати погоди Тоше Стојанов. За гостинскиот тим Јани Јанков и Јордан Николов беа стрелци за струмичани.
Без победник заврши „Ел класикото“ во Делчево каде Брегалница и Малеш одиграа 1:1. Јован Дојчинов по само три минути игра го отвори резултатот, а во 73. минута Марјан Пачарски го постигна голот за делба на бодовите 1:1.
Мечот го следа голем број на публика, па слободно може да кажеме дека број на публика е поголем од цело коло во Прва лига.
Овче Поле е лидер со 37 бодови, втора е Победа од Валандово со 35 бодови, но со меч помалку, Хоризонт Турново е трет со 31 бод и веќе станува јасно дека меѓу тимовите од Валандово и Свети Николе ќе биде борбата за второлигашкиот бараж.
