Градскиот ракометен клуб Охрид ги информираше своите навивачи дека онлајн продажбата на билети за полуфиналниот натпревар од ЕХФ Европскиот Куп против Целје е веќе започната.
Првиот дуел од полуфиналната пресметка ќе се одигра во Целје, додека реваншот ќе биде на домашен терен, во салата „Билјанини извори“ во Охрид.
Натпреварот во Охрид е закажан за 2 мај 2026 година (сабота), со почеток од 19:00 часот, а интересот за овој европски спектакл веќе е голем.
Билетите се пуштени во онлајн продажба и истите може да се набават преку официјалната платформа: https://mktickets.mk/event/grkoh-3/ .
Од клубот упатија повик до сите љубители на ракометот да бидат дел од атмосферата и да ја поддржат екипата во еден од најважните натпревари во сезоната, со порака – „Бидете 8-ми играч и дел од овој спектакл!“
