Утре се играат првите полуфинални натпревари од Купот на Македонија, а веќе се познати и судиите кои ќе ја делат правдата на натпреварите.
Во Тетово ќе се одигра мечот меѓу прволигашот Шкендија и второлигашот Шкендија Арачиново, главен арбитар на овој меч ќе биде Бењамин Ќерими, негови помошници ќе бидат Гоце Петрески и Вјолца Изеири, а пак Марјан Дејаноски ќе биде четврт судија.
Во ВАР собата ќе бидат Влатко Илиоски и Борис Трајков, а оператор за повторување на снимката е Виктор Васев.
Делегат на мечот кој стартува во 14 часот е Зоран Златковски, а контролор е Делчо Јакимовски.
На „Билјанини Извори“ се игра мечот меѓу второлигашот Охрид и прволигашот Силекс, каде правда ќе дели Доне Ристовски, а ќе му помагаат Тоше Ицев и Дарко Јовчевски, додека пак четврт судија е Пларент Салихи.
ВАР судија ќе биде Александар Урошевиќ, а пак АВАР судија е Мартин Дејаноски. Оператор за повторување на снимката е Петар Мукоски.
Делегат на мечот кој ќе стартува во 12 часот е Иван Матевски, а пак Јосип Бартон е контролор.
Реваншите од Купот на Македонија се закажани за 6 мај.
