Екипата на Беса Сарај утре во рамки на вонредното 21. коло на Трета лига – Север ќе гостува кај ББК Коњаре каде ќе бара осма победа во низа.
Екипата од Сарај е во победничка форма и тоа резултираше со голем скок на табелата. Тимот е на петтото место на табелата, а на своето конто има 32 бодови.
Во рамки на 14. коло, Беса Сарај на домашен терен го совлада Куманово со 3-1, по што следуваше гостинска победа во 15. коло над Лопате од 3-1.
Во 16. коло беше забележан уште еден домашен триумф, овојпат против Пчиња со 2-1, а потоа Беса Сарај славеше и на гостувањето кај Аеродром со 1-2. Победничката серија беше заокружена во 18. коло со убедлив триумф од 4-1 над Студеничани.
Во рамки на 19. коло Беса Сарај славеше над Ржаничино со 2-5, а во претходното 20. коло Беса Сарај беше подобра од Лопати со 6-2.
Денес тимот од Сарај ќе бара осма победа во низа против БВК Коњаре, во дерби на колото.
