Струшките џудисти имаа забележителен настап на меѓународниот турнир одржан во романскиот град Дробета Турно Северин, каде учествуваа повеќе од 300 натпреварувачи од неколку земји.
Младите спортисти на џудо клубот Дрим уште еднаш потврдија дека со напорна работа, дисциплина и силна верба можат да се постигнат значајни резултати, претставувајќи ја Струга и Македонија во најдобро светло.
До златен медал во категоријата до 66 килограми стигна Енил Ајдиноски, кој со сигурни борби се искачи на највисокото место на пиедесталот. Сребрени одличја освоија Даријан Ночески (-38 кг) и Софија Ноческа (-44 кг), додека Ненад Костоски се закити со бронза во категоријата до 38 килограми.
Солидни настапи имаа и Мила Стојмиловска, Славјан Чаторошкоски и Божидар Јуловски, кои прикажаа квалитетни борби, но овојпат останаа без медал.
Овој успех е уште една потврда за континуираниот развој на џудото клубот Дрим и доказ дека градот има сериозен потенцијал и светла спортска иднина.
