Ракометарите на Охрид запишаа висока и убедлива победа над повратникот Радовиш, откако „гладијаторите“ во „Билјанини Извори“ со 43:21 славеа превисока победа.
Сосема очекувана беше победата за охридските „гладијатори“ во меч каде Шипинковски и Костов постигнаа по сум погодоци, а пак Андоновски и Бојаниќ реализираа по шест гола. За Радовиш четири гола постигна Костадинов.
Шампионот Еурофарм Пелистер лесно дојде до нов триумф откако со превисоки 40:23 славеше над тимот на Тиквеш од Кавадарци. Лесна беше победата за битолчани кои без многу напор дојдоа до истата.
Борец Ф. со 37:30 ја совлада Струга и всушност за велешани двата сезонски триумфа се токму над Струга, со што има мала промена на табелата, сега Струга е претпоследна, а пак велешани се место над Струга.
Бутел запиша сигурна и убедлива победа над Куманово во гости со резултат од 22:29. Искусниот голман Александар Стојаноски беше одличен на голот на Бутел. Субашевски со осум гола беше најдобар кај Бутел, додека пак кај гостите најдобар беше Димевски со седум гола.
Израмнета средба и поделба на бодовите на дуелот меѓу Пролет и Прилеп (23:23), откако гостинскиот тим до бод дојде во последните секунди од средбата.
Димовски и Бахар беа најдобри кај Пролет со по шест гола, а пак Цветаноски и Рајатовски имаа по шест реализации кај Пролет.
Колото се комплетира утре со дербито меѓу Вардар и Алкалоид.
