Екипата на Билјанини Извори однесе убедлива победа од 5:0 над Плачковица, повеќе од јасно беше дека трите бодови ќе останат во Охрид.
Марија Бојкова погоди двапати против својот поранешен клуб од Радовиш, двоен стрелец беше Викторија Стојаноски, а пак еден гол беше дело на Викторија Лазова.
Лидерот Конзули однесе убедлива победа од 7:1 и сосема очекувано го „декласираше“ Слободен.
Мелиса Милица Димитриоска постигна хет-трик, двоен стрелец беше искусната Мила Талевска, а по еден гол постигнаа Марија Стојановска и Сара Слободанка Димитриоска.
За скопскиот тим единствен стрелец беше Ева Андонова, најдобриот стрелец во лигата постигна гол во 76. минута во високиот пораз.
Мечот во Велес не се одигра, Порече од Македонски Брод по чекање од 30 минути не се појави на теренот, а тоа ќе значи службена победа за Борец и службени три бода.
Конзули оди во Прва лига за следната сезона, а пак Билјанини Извори ќе игра бараж за влез во елитата.
