Лидерот Камјани го доби дербито во Брвеница славејќи со 1:3 над Вардар и со тоа е чекор поблиску до бараж за влез во Втора лига.
По чистите мрежи во првиот дел, во вторите 45 минути беа постигнати сите погодоци. Сокол Исеини го отвори резултатот во 57. минута, а по пет минути Даут Даути погоди за 0:2.
Тони Брњарчевски во 68. минута намали на 1:2 и ја врати неизвесноста се до 86. минута кога искусниот Шпенд Асани стрелаше за конечни 1:3, во дербито на 18. коло во Трета лига – Запад.
Некогашниот прволигаш Ренова загуби на домашен терен од Џепчишти со 2:3. Гостинот преку Ментор Саљиу стигна до водство во 12. минута, а во 30. минута Ери Абдулахи погоди за 1:1 на полувреме. Во вториот дел Арсим Зубери беше стрелец за 1:2 и ново водство, а во 85. минута Беким Садики погоди за 1:3.
Три минути подоцна Ријад Османи постигна гол за конечни 2:3.
ОХРИД КУП 2026: НОВ ДЕТСКИ ФУДБАЛСКИ СПЕКТАКЛ ПОКРАЈ ОХРИДСКОТО ЕЗЕРО
Трите бодови останаа во Кичево откако Напредок со 4:2 славеше над Добришти, преку два гола на Осман Исмаили и погодоците на Никола Колевски и Младен Котевски, додека пак за гостинот стрелци беа Бетим Етеми и Сутки Муслија.
Речица славеше домашна победа против Љуботен со резултат од 4:2. Артин Зеќири постигна хет-трик за победникот, а еден гол постигна Мубарек Шасивари, а пак за гостинот двата гола ги постигна Христијан Димитријевски.
Со голот на Ќендрим Аљиљи екипата на Скендербеу славеше над Дрита со минимални 1:0.
Во рамки на оваа коло слободна беше екипата на Влазерими од Кичево.
На врвот во Трета лига – Запад е тимот на Камјани со 43 бодови, пет повеќе од Влазерими кој е втор.
