Охрид испиша историја со пласманот во финалето од Купот на Македонија, каде ќе се соочи со најтрофејниот Вардар. Финалниот натпревар е закажан за утре од 20 часот во салата „Парк“ во Струмица.
Од клубот информираат дека е организиран превоз за сите верни поддржувачи кои сакаат да присуствуваат на финалето.
Сите заинтересирани може да се пријават со име и презиме преку Фејсбук страницата или Инстаграм профилот на ГРК Охрид, најдоцна до денес до 19 часот.
Тргнувањето за Струмица е предвидено утре во 13:30 часот, додека враќањето е планирано по завршувањето на натпреварот.
