Утрешното 22. коло на Трета лига – Југ го носи големото дерби кое ќе го решава шампионот, Превалец на домашен терен против лидерот Борец.
Дуелот на второпласираниот и третопласираниот тим, само три бодови е разликата, а на првото соочување во Велес некогашниот прволигаш Борец беше минимално подобар со 1:0.
Правдата на дербито меѓу Превалец и Борец ќе ја дели Ангелчо Ристов, а ќе му помагаат Ване Данилов и Ване Дупкаров.
Башкими Јаболчиште на домашен терен ќе се соочи со Ултрас, а правдата ќе ја дели Душко Панов, а негови асистенти ќе бидат Тони Гурев и Александар Трајков.
Во Крушево ќе се одигра меѓу Питу Гули и Тополка, а правдата на „Гумења“ ќе ја дели Атанас Таневски, а Лазар Стоев и Блаже Давчев.
Во Кривогаштани се игра натпреварот меѓу Младост и Росоман, за правдата ќе биде задолжен Душко Стојсавлевиќ, а покрај аут линиите ќе бидат Димитар Здравески и Филип Боцески.
На центарот во Мало Коњари ќе биде Дарко Макалоски, кој ќе им суди на Млекар и Бучин, а помошници ќе бидат Михаил Јакопетревски и Христијан Трајкоски.
