Започнаа активностите за расчистување на просторот околу фудбалското игралиште во Злетово, со што практично се отвора процесот за негова целосна реконструкција и унапредување на условите за спорт.
По првичната фаза на расчистување, предвидено е игралиштето да биде соодветно оградено, по што ќе следуваат активности за обнова на самиот терен.
Во план е и изградба на нов систем за наводнување, како и подготовка за реконструкција на соблекувалните, со цел да се создадат подобри услови за спортистите.
„Најпрвин, по расчистувањето, игралиштето ќе биде соодветно оградено, а потоа ќе се работи на обнова на теренот, изградба на нов систем за наводнување, како и на подготовки за реконструкција на соблекувалните“, истакна градоначалникот на општина Пробиштип, Тони Тоневски.
Со овие активности, локалната самоуправа има за цел да го врати спортскиот живот во Злетово на повисоко ниво и да обезбеди подобри услови за развој на фудбалот во овој регион.
